மஹிந்திரா மோட்டார் வாகனங்களை வாங்க விரும்பும் நுகர்வோருக்கு லீசிங் குத்தகை தீர்வுகளை வழங்குவதற்காக, ஐடியல் குழுமத்தின் துணை நிறுவனமும், இலங்கையில் மஹிந்திரா மோட்டார் வாகனங்கள் மற்றும் மோட்டார் சைக்கிள்களுக்கான ஒரே அங்கீகரிக்கப்பட்ட விநியோகஸ்தருமான ஐடியல் மோட்டார்ஸ் நிறுவனத்துடன் செலான் வங்கி கூட்டுசேர்ந்தது.
செலான் லீசிங் மூலம் மோட்டார் கார்கள், இலகுரக டிரக்குகள், கனரக வணிக வாகனங்கள் மற்றும் பயணிகள் வாகனங்கள் உள்ளிட்ட மஹிந்திரா வாகனங்கள் கொள்வனவு செய்ய தகுதியான வாடிக்கையாளர்களுக்கு இந்த கூட்டாண்மை மூலம்; சிறப்பு வட்டி விகிதங்கள் மற்றும் இலவச வாகன பதிவு, 1வருடம் அல்லது 50,000கிலோமீட்டர் வரை உத்தரவாதம், ரூ. 10,000முதல் ரூ. 50,000வரை சிறப்பு கொள்முதல் தள்ளுபடிகள், தேர்ந்தெடுக்கப்பட்ட காப்பீட்டு கூட்டாளர்கள் மூலம் சிறப்பு காப்புறுதி வெகுமதிகள், அபல்லோ டயர்களுக்காக 20%தள்ளுபடி மற்றும் அங்கீகரிக்கப்பட்ட செலான் க்ரெடிட் கார்டுகள் ஆகிய சலுகைகளை பெற்றுக்கொள்ள முடியும்.
மேலே குறிப்பிட்டுள்ள நன்மைகளுக்கு மேலதிகமாக, குறைந்தபட்ச ஆவணங்களுடன் நுகர்வோரின் கொடுப்பனவு திறனுக்கு ஏற்றவாறு தனிப்பயனாக்கப்பட்ட லீசிங் கட்டமைப்புகளை வழங்க செலான் குழு தயாராக உள்ளது. செலான் வாடிக்கையாளர்களுக்கு இப்போது அதிக வருமானம் உள்ள மாதங்களில் அதிக வாடகை அல்லது மொத்தமாக பணம் செலுத்தும் வாய்ப்பும், சராசரி வருமானம் பெரும் மாதங்களில் குறைந்த அல்லது வழக்கமான வாடகையும் செலுத்த வாய்ப்பு உள்ளது.தேசம் மெதுவாகவும் சீராகவும் இயல்பு நிலைக்கு திரும்பும் இந்த நேரத்தில், சிறு மற்றும் நடுத்தர நிறுவனங்களுக்கும், புதிய தொழில்முனைவோராக முன்னேற வாய்ப்புகளைத் தேடும் நுகர்வோருக்கும் இந்த வாய்புக்கள் தனித்தனியாக கட்டமைக்கப்பட்டுள்ளன.
அன்புடன் அரவணைக்கும் வங்கி, செலான் வங்கி, அதிநவீன தொழில்நுட்பம், புதுமையான தயாரிப்புகள் மற்றும் வகுப்பில் சிறந்த சேவைகள் மூலம் அதன் மதிப்புமிக்க வாடிக்கையாளர்களுக்கு உன்னத வங்கி அனுபவத்தை வழங்குவதற்கான தொலைநோக்குடன் செயல்படுகிறது.
