20க்கு 20உலக கிண்ண இறுதிப்போட்டிக்கு நியூசிலாந்து, அவுஸ்திரேலியா அணிகள் முதல் முறையாக நுழைந்துள்ளன என்பது குறிப்பிடத்தக்கது. 20க்கு 20உலக கிண்ண இறுதிப்போட்டியில் நியூசிலாந்து, அவுஸ்திரேலியா அணிகள் மோதுகின்றன. இரு அணிகளும் முதல் முறையாக கிண்ணத்தை வெல்ல உள்ளதால் ஆட்டத்தில் அனல் பறக்கும் என்பது உறுதி.
7-வது 20ஓவர் உலக கிண்ண கிரிக்கெட் போட்டி ஐக்கிய அரபு இராச்சியத்தில் நடந்து வருகிறது. இதில் சூப்பர்-12சுற்று முடிவில் குரூப்-1பிரிவில் முதல் 2இடங்களைப் பிடித்த இங்கிலாந்து, அவுஸ்திரேலியா, குரூப்-2பிரிவில் முதல் இரு இடங்களை தனதாக்கிய பாகிஸ்தான், நியூசிலாந்து அணிகள் அரையிறுதிக்கு முன்னேறின.
குரூப்-1பிரிவில் இடம்பெற்ற தென்ஆபிரிக்கா, இலங்கை, மேற்கிந்திய தீவுகள், பங்களாதேஷ் மற்றும் குரூப்- 2பிரிவில் இடம்பெற்ற இந்தியா, ஆப்கானிஸ்தான், நமீபியா, ஸ்கொட்லாந்து அணிகள் அரையிறுதி வாய்ப்பை இழந்து வெளியேறின.
அபுதாபியில் நடந்த முதலாவது அரையிறுதிப் போட்டியில் இங்கிலாந்து அணி, நியூசிலாந்தை எதிர்கொண்டது.
முதலில் ஆடிய இங்கிலாந்து 4விக்கெட்டுக்கு 166ஓட்டங்கள் எடுத்தது. மொயீன் அலி அரை சதமடித்து 51ஓட்டங்களும், தாவித் மாலன் 41ஓட்டங்களும் எடுத்தார்.
இதையடுத்து ஆடிய நியூசிலாந்து முதலில் திணறியது. தொடக்க ஆட்டக்காரர் டேரில் மிட்செல் கடைசி கட்டத்தில் அதிரடியாக ஆடி அரை சதமடித்தார். அவர் 72ஓட்டங்கள் அடித்து அணியை வெற்றிப் பாதைக்கு அழைத்துச் சென்றார். இதன்மூலம் நியூசிலாந்து 5விக்கெட் வித்தியாசத்தில் நியூசிலாந்து வென்று முதல் முறையாக 20க்கு 20உலக கிண்ண இறுதிப்போட்டிக்கு முன்னேறியது. டுபாயில் நடந்த இரண்டாவது அரையிறுதியில் அவுஸ்திரேலியா, பாகிஸ்தான் அணிகள் மோதின. முதலில் துடுப்பெடுத்தாடிய பாகிஸ்தான் அணி நிர்ணயிக்கப்பட்ட 20ஓவரில் 4விக்கெட் இழப்புக்கு 176ஓட்டங்கள் எடுத்தது. முகமது ரிஸ்வான் 67ஓட்டங்களும், பாபர் அசாம் 39ஓட்டங்களும் எடுத்தனர். பகர் சமன் 55ஓட்டங்கள் எடுத்து ஆட்டமிழக்காமல் இருந்தார்.
அடுத்து ஆடிய அவுஸ்திரேலியா 19ஓவரில் 5விக்கெட்டுக்கு 177ஓட்டங்கள் எடுத்து அபார வெற்றி பெற்றது. தொடக்க ஆட்டக்காரர் டேவிட் வோர்னர் 49ஓட்டங்களில் வெளியேறினார்.
பொறுப்புடன் ஆடிய ஸ்டோய்னிஸ் 40 ஓட்டங்கள் எடுத்தார். கடைசி கட்டத்தில் அதிரடியாக ஆடிய மெத்யூ வேட் 17 பந்துகளில் 4 சிக்சர், 2 பவுண்டரி உட்பட 41 ஓட்டங்கள் எடுத்து அணியை வெற்றிக்கு அழைத்துச் சென்றார். இதன்மூலம் அவுஸ்திரேலியா அணி இறுதிப்போட்டிக்குள் நுழைந்தது.
