மறைந்த நடிகை ஸ்ரீதேவி - போனிகபூர் தம்பதியின் முதல் மகள் ஜான்வி கபூர், தற்போது குஞ்ஜன் சக்சேனா வாழ்க்கை வரலாறு படத்தில் நடித்து வருகிறார்.
ஸ்ரீதேவியின் மறைவுக்கு பின், ஜான்வி நடிப்பில் முதல் படமான 'தடக்' வெளியானது. 'தடக்' படத்தின் இணை தயாரிப்பாளர்களில் ஒருவரான கரண் ஜோகர், ஜான்வியை வைத்து மீண்டும் படம் தயாரித்துள்ளார். ’குஞ்ஜன் சக்சேனா - தி கார்கில் கேர்ள்’ என்று பெயரிடப்பட்டுள்ள இந்த படத்தின் முதல் பார்வை போஸ்டர் வெளியிடப்பட்டது. இதில் பெண் இராணுவ பைலட் குஞ்ஜன் கதாபாத்திரத்தில் ஜான்வி கபூர் நடிக்கிறார். குஞ்ஜன் சக்சேனா கார்கில் போர் சமயத்தில் காயம்பட்ட எண்ணற்ற இந்திய இராணுவ வீரர்களைப் பாதுகாப்பாக இடம் மாற்றியதில் முக்கிய பங்கு வகித்தவர். சவுர்ய சக்ரா விருது பெற்ற முதல் பெண்ணும் இவரே.
இவரது வாழ்க்கை வரலாற்றைச் சொல்லும் படம் இது. படத்தின் முதல் பார்வை போஸ்டரைப் பகிர்ந்த கரண் ஜோகர், பெண்ணால் பைலட் ஆக முடியாது என்றார்கள். ஆனால், உறுதியாக இருந்து பறக்க வேண்டும் என்று விரும்பினார். 'குஞ்ஜன் சக்சேனா - தி கார்கில் கேர்ள்’, மார்ச் 13, 2020 அன்று வெளியாகிறது என்று குறிப்பிட்டுள்ளார். இந்த படத்துக்காக ஜான்வி தீவிர உடற்பயிற்சியில் ஈடுபட்டதோடு, 6 கிலோ எடை குறைத்துள்ளார்.
